U novu CampusPlex, più di 2 000 m² nant'à sei piani in u cursu Napulione, hè inauguratu in presenza di i so partenarii, di l'imprese chì ci travaglianu è di parechje persunalità.
CampusPlex, 95 cours Napoléon, Aiacciu
Natu in u 2009 in core d'Aiacciu, u CampusPlex cambia di scala : più di 2 000 m² nant'à sei piani, un anfiteatru di più di 80 piazze, un spaziu di coworking è un rooftop di fronte à u golfu. L'edifiziu riunisce imprese di a tecnulugia, a scola d'ingegneri MIRA è finanziatori di l'innuvazione.
In u so discorsu, Sébastien Simoni, cofundatore di u CampusPlex, conta a storia di u locu, da WebzineMaker è GoodBarber à u cuncorsu d'architetti di u 2018, è fissa una direzzione : a robotica è l'intelligenza artificiale fisica.
A serata riunisce i partenarii di u prugettu, l'imprese stallate in l'edifiziu è parechje persunalità, frà quale u cardinale François Bustillo è u merre d'Aiacciu, Stéphane Sbraggia.
Partenarii di u prugettu : a Cullettività di Corsica, a Cità d'Aiacciu, u Statu (PIA4), u Crédit Agricole è Bpifrance ; l'agenzia d'architettura Alba, Pinelli è R2M.
In l'edifiziu : MIRA, GoodBarber, Bpifrance, a Banque des Territoires, FemuQuì Ventures è l'EDIH Corsica.ai.